Британский ветеран войны Мэтью Рой Десмонд был задержан на границе за хранение рецептурных обезболивающих. После подписания соглашения о признании вины и выплаты 100 000 GEL он был освобожден и ему грозит депортация.

Accessibility links მთავარ შინაარსზე დაბრუნება მთავარ ნავიგაციაზე დაბრუნება ძიებაზე დაბრუნება Link has been copied to clipboard ახალი ამბები თემები პოლიტიკა ეკონომიკა საზოგადოება კულტურა სპორტი ვიდეო ბლოგები პოდკასტები ასათიანის კუთხე ნიკოს პოდკასტი 60 დეციბელი განკითხვის დღე დილის საუბრები მოლაპარაკე ტექსტები შინ - უცხოეთში ლიტერატურული წახნაგები ამერიკული მოთხრობა იმპერია და რადიო გადაცემები თავისუფლების მონიტორი ფენოვანი - 2.10 თქვენი პუბლიკაციები პროექტები უკრაინაში დაღუპული ქართველი მებრძოლები - 2022 დამოუკიდებლობის 100 წელი ჩემი სიკვდილის მიზეზია COVID-19 11 წელი - 11 ამბავი საპარლამენტო არჩევნების ისტორია ბავშვები პროსტიტუციაში - ამოუთქმელი ამბავი 5 ამბავი - 20 ივნისს დაშავებულები აგვისტოს ომი ПРИВЕТ კულტურა ЭХО КАВКАЗА გამოიწერე რთე/რთ-ის ყველა საიტი პოდკასტები ძიება ახალი ამბები მედიკამენტის გამო დაკავებულ ბრიტანელს ₾100 000-ის გადახდის შემდეგ საქართველოდან გააძევებენ - მას საპროცესო გაუფორმდა ივლისი 16, 2026 გაზიარება იხ. კომენტარები ბრიტანეთის მოქალაქე 23 აპრილს საზღვარზე დააკავეს. ბრიტანეთის მოქალაქის, ომის ვეტერანის, მეთიუ როი დესმონდის წინააღმდეგ საქართველოს პროკურატურამ სისხლისსამართლებრივი დევნა შეწყვიტა. მედიკამენტის ფლობის გამო დაკავებულ ტურისტს საპროცესო შეთანხმება გაუფორმდა - მან წაყენებული ბრალი აღიარა და 100 000 ლარი გადაიხადა. შეთანხმება თბილისის საქალაქო სასამართლოში დღეს, 16 ივლისს, გაფორმდა. მეთიუ როი დესმონდს გლდანის ციხეში აღარ დააბრუნებენ - მას ხვალ, 17 ივლისს, გააძევებენ საქართველოდან. სასამართლოს გადაწყვეტილებით, მას 20 წლით აუკრძალეს ქვეყანაში შემოსვლა. დესმონდი საქართველოში 49 წლის მეთიუ როი დესმონდს, ბრიტანეთის არმიის მრავალი მედლით დაჯილდოებულ, დამსახურებულ ვეტერანს, თავისი მოტოციკლით 25 ქვეყანა აქვს მოვლილი და საქართველოში შემოსვლასაც, ასევე თავისი მოტოციკლით, აპრილის ბოლოს გეგმავდა - საბერძნეთსა და თურქეთში მოგზაურობის შემდეგ. ის 23 აპრილს საზღვარზე დააკავეს. ოჯახთან და ახლობლებთან მისი კავშირი 23 აპრილს 16:14 საათის შემდეგ გაწყდა, რის შესახებაც ფეისბუკში მისი და წერდა. ასევე ნახეთ როგორ აღმოჩნდა ბრიტანელი ომის ვეტერანი გლდანის ციხეში მეთიუ რეი დესმონდი, საქართველოში შემოსვლის დროს, იმ მედიკამენტების გამო დააკავეს, რომლებითაც ხერხემლის ტკივილს იყუჩებდა. „პრეგაბალინი“, „ბუპრენორფინი“ და „კოდეინი“, ადვოკატების თანახმად, მას სწორედ ექიმის მიერ ჰქონდა გამოწერილი; ხერხემლის ტრავმის გამო - რომელიც დამსახურებულმა ვეტერანმა სადესანტო ბრიგადაში საქმიანობის დროს მიიღო - რადგან ხშირად უწევდა პარაშუტით ხტომა. ადვოკატების თანახმად, საზღვარზე პრობლემა მხოლოდ იმან წარმოშვა, რომ “ფორმალობები არ ჰქონდა დაცული” და მაგალითად, დესმონდის მიერ საზღვარზე წარდგენილი ცნობა ["ფორმა 100"] არ იყო დამოწმებული აპოსტილით, რასაც ჯანდაცვის მინისტრის ბრძანება მოითხოვს. აღიარება თავისუფლების სანაცვლოდ თავისუფლების სანაცვლოდ „დანაშაულის“ აღიარებისთვის მეთიუ როი დესმონდი დიდი ხანია მზად არის - თუმცა პროცესი ჭიანურდებოდა. საპროცესო შეთანხმების საკითხი მას შემდეგ დაიძრა, რაც დაკავებულის ქართველმა ადვოკატებმა დუმილი დაარღვიეს და საქმის დეტალები გაახმოვანეს. ადვოკატები ამბობენ, რომ დესმონდს დანაშაული არ ჩაუდენია, მაგრამ სიმართლის დადგენა მისთვის პრიორიტეტი აღარ არის - რადგან საპატიმროში ის „ძალიან ცუდად“ გრძნობს თავს და ხერხემლის ტრავმით გამოწვეული ტკივილი აწუხებს. „ვინაიდან მას [დაკავებულს] აქვს ჯანმრთელობის პრობლემები და ვინაიდან 8-დან 12 წლამდე პასუხისმგებლობა ელოდება, აღარ ვრისკავთ. პირობები, რომლებიც ბრალდების მხარემ შემოგვთავაზა, მისაღებია. ამ ადამიანისთვის მთავარია თავისუფლება“, - ამბობს ადვოკატი ჯაბა კოჭლამაზაშვილი. ასევე ნახეთ აღიარება თავისუფლების სანაცვლოდ - ბრიტანელი ვეტერანი სამშობლოში დაბრუნდება 100 000 ლარი - საპროცესო შეთანხმების პირობა საპროცესო შეთანხმება თბილისის საქალაქო სასამართლოში 13 ივლისს დანიშნულ სხდომაზე უნდა გაფორმებულიყო, თუმცა დესმონდის ოჯახმა იმ პერიოდში ვერ შეძლო ჯარიმისთვის გადასახდელი 100 000 ლარის, 28 ათასი ფუნტი სტერლინგის შეგროვება. სხდომა 16 ივლისამდე გადაიდო. გაზიარება იხ. კომენტარები Follow us ბეჭდვა ​ გამოიწერე საინფორმაციო გვერდები ჩვენ შესახებ პირადი ინფორმაციის დაცვის წესები ფორუმის წესები დაგვიკავშირდით რადიო თავისუფლება, RFE/RL, Inc. ყველა უფლება დაცულია SM