Прокуратура возбудила дело против телеканала «Formula» по обвинению в «ложном обвинении» после жалоб кинорежиссера Гоги Хиндравы. Расследование начато после репортажа телеканала о предполагаемой причастности Хиндравы к контрабанде.

Accessibility links მთავარ შინაარსზე დაბრუნება მთავარ ნავიგაციაზე დაბრუნება ძიებაზე დაბრუნება Link has been copied to clipboard ახალი ამბები თემები პოლიტიკა ეკონომიკა საზოგადოება კულტურა სპორტი ვიდეო ბლოგები პოდკასტები ასათიანის კუთხე ნიკოს პოდკასტი 60 დეციბელი განკითხვის დღე დილის საუბრები მოლაპარაკე ტექსტები შინ - უცხოეთში ლიტერატურული წახნაგები ამერიკული მოთხრობა იმპერია და რადიო გადაცემები თავისუფლების მონიტორი ფენოვანი - 2.10 თქვენი პუბლიკაციები პროექტები უკრაინაში დაღუპული ქართველი მებრძოლები - 2022 დამოუკიდებლობის 100 წელი ჩემი სიკვდილის მიზეზია COVID-19 11 წელი - 11 ამბავი საპარლამენტო არჩევნების ისტორია ბავშვები პროსტიტუციაში - ამოუთქმელი ამბავი 5 ამბავი - 20 ივნისს დაშავებულები აგვისტოს ომი ПРИВЕТ კულტურა ЭХО КАВКАЗА გამოიწერე რთე/რთ-ის ყველა საიტი პოდკასტები ძიება ახალი ამბები ხაინდრავას განცხადების საფუძველზე „ფორმულის“ წინააღმდეგ პროკურატურამ საქმე აღძრა ივნისი 17, 2026 გაზიარება იხ. კომენტარები „არაფერი ტყუილი იმ სიუჟეტში არ ყოფილა“, - ამბობს „ფორმულის“ დირექტორი მიშა მშვილდაძე. „ქართული ოცნების“ მხარდამჭერი რეჟისორის, გიორგი (გოგა) ხაინდრავას ადვოკატების განცხადების საფუძველზე, საქართველოს პროკურატურამ სისხლის სამართლის წესით, „ცრუ დასმენის“ მუხლით აღძრა საქმე ტელეკომპანია „ფორმულის“ წინააღმდეგ. „ფორმულის“ დირექტორი და თანამესაკუთრე მიშა მშვილდაძე რადიო თავისუფლებასთან საუბარში იცავს 2025 წლის იანვარში ტელეკომპანიის გადაცემა "შაბათის ფორმულაში" გასულ სიუჟეტს და ამბობს, რომ „არაფერი ტყუილი იმ სიუჟეტში არ ყოფილა“. რას ამბობს პროკურატურა 17 ივნისს გამოქვეყნებული ცნობის თანახმად, წინა დღეს თბილისის პროკურატურის საგამოძიებო სამმართველოში გამოძიება დაიწყო საქართველოს სისხლის სამართლის კოდექსის 373-ე მუხლის 1-ლი ნაწილით, - რაც ცრუ დასმენას გულისხმობს. „გამოძიების დაწყებას საფუძვლად დაედო კინორეჟისორ გიორგი (გოგა) ხაინდრავას ინტერესების დამცველი ადვოკატების განცხადება ტელეკომპანია „ფორმულას“ მიერ გიორგი (გოგა) ხაინდრავას მიმართ დანაშაულის შესაძლო ჩადენის ფაქტთან დაკავშირებით“, - აცხადებს პროკურატურა. უწყების ცნობით, საგამოძიებო ორგანოში მოწმის სახით გამოიკითხა კინორეჟისორი გიორგი (გოგა) ხაინდრავა. „ჩატარდება ყველა საჭირო საგამოძიებო და საპროცესო მოქმედება, რომელთა შედეგების შესახებ საზოგადოებას დამატებით მიეწოდება ინფორმაცია“, - წერს უწყება. რას ედავება ხაინდრავა „ფორმულას“ გოგა ხაინდრავამ ჯერ კიდევ 21 იანვარს განაცხადა, რომ ტელეკომპანია "ფორმულას" მასთან დაკავშირებით მომზადებული სიუჟეტის გამო უჩივლებდა. მისი უკმაყოფილება გამოიწვია 17 იანვარს „შაბათის ფორმულას“ ეთერში გასულმა სიუჟეტმა, რომელშიც "ფორმულამ" წყაროზე დაყრდნობით გაავრცელა ინფორმაცია, რომ „2016-2017 წლებში გოგა ხაინდრავას სუს-თან შეთანხმებით ინდოეთისა და პაკისტანის მოქალაქეები საქართველოში გარკვეული თანხის სანაცვლოდ შემოჰყავდა“. 11 მარტს ხაინდრავამ განაცხადა, რომ „ფორმულის“ წინააღმდეგ ცილისწამების მუხლით სასამართლოში სარჩელი შეიტანა; იქვე თქვა, რომ პროკურატურას, სუსსა და შსს-ს მიმართავდა, რათა „დაინტერესდნენ და გამოძიება დაიწყონ“. „ეს ჩემთვის სახელმწიფოს ღალატის ტოლფასი დანაშაულია. ქვეყნის ღალატია, როცა ქრთამის სანაცვლოდ ქვეყნის ტერიტორიაზე არალეგალურად შემოგყავს პოტენციური დამნაშავეები“, - განაცხადა მაშინ გოგა ხაინდრავამ. ახალი საქმის დეტალები „ფორმულისთვის“ ჯერ უცნობია რადიო თავისუფლებასთან საუბარში „ფორმულის“ დირექტორი და 70,5%-იანი წილის მფლობელი მიშა მშვილდაძე ამბობს, რომ „არაფერი ტყუილი იმ სიუჟეტში არ ყოფილა“, - როგორც, მისი თქმით, „ქართული ოცნების“ წარმომადგენლების „გაზულუქების მამხილებელ“ სხვა სიუჟეტებში. მისი თქმით, პროკურატურიდან ტელევიზიას ჯერ არ დაჰკავშირებიან და არ იცის, კონკრეტულად რას გულისხმობს გამოძიება. „ამ კონკრეტულ შემთხვევაში არც ვიცი, რა უნდათ. რაც უნდათ, ის უქნიათ“, - მოგვწერა მიშა მშვილდაძემ. მიშა მშვილდაძის თქმით, ხაინდრავა ტელეკომპანიას უკვე უჩიოდა იმავე სიუჟეტის გამო „ცილისწამებაზე“, რის გამოც იგი ვარაუდობს, რომ ახლა „ცრუ დასმენაზე“ უჩივიან ტელევიზიის კონფიდენციალურ წყაროს, რომელთან ინტერვიუც არის სიუჟეტში. „გაფრთხილება“ „წყაროს, ცხადია, [ტელევიზიის სარედაქციო გუნდი] არ გათქვამს. შესაბამისად, ვერაფერს უზამენ. თუმცა ეს ნიშნავს, რომ პროკურატურა აფრთხილებს ადამიანებს, რომ ხელისუფლების და მათი წარმომადგენლების დანაშაულზე ინფორმაცია თუ ექნებათ, მედიას არ მიაწოდონ და ჩუმად, თავისთვის ისხდნენ“, - ეუბნება მიშა მშვილდაძე რადიო თავისუფლებას. „ვნახოთ, საით წაიყვანენ გამოძიებას“, - მოგვწერა მან. თუმცა იქვე ხაზი გაუსვა, რომ სახელმწიფო უწყებებს არ ენდობიან: „არავითარ ნდობა არც მათი გამოძიების, არც მათი პროკურატურის და არც მათი სასამართლოს მიმართ არ გვაქვს“. „არავითარი ნდობა არ გვაქვს არც ხაინდრავასი და არ ვიცით, ეს საჩივარი მისი გაზრდილი ეგოს და დაუსჯელობის პროდუქტია, თუ „ოცნების“ დავალებაა“, - ამბობს „ფორმულის“ დირექტორი. ასევე ნახეთ საქართველო პრესის თავისუფლების ინდექსში 21 ადგილით ჩამოქვეითდა  2026 წელს საქართველო პრესის თავისუფლების ინდექსში ერთ წელიწადში 114-დან 135-მდე ჩამოქვეითდა. ახალი რეიტინგით, ქვეყანა ჩამორჩება ისეთ სახელმწიფოებს, როგორებიცაა ზიმბაბვე, სომალი, უგანდა, მალი, ნიგერია, ჩადი და პაპუა-ახალი გვინეა. 135-ე ადგილი ამ რეიტინგში მიუთითებს, რომ საქართველოში პრესის თავისუფლების მდგომარეობა „რთულად“ არის შეფასებული. გაზიარება იხ. კომენტარები Follow us ბეჭდვა ​ გამოიწერე საინფორმაციო გვერდები ჩვენ შესახებ პირადი ინფორმაციის დაცვის წესები ფორუმის წესები დაგვიკავშირდით რადიო თავისუფლება, RFE/RL, Inc. ყველა უფლება დაცულია SM