A police officer, Sino Obidzhoda, was sentenced to 13 years in prison for his involvement in the death of Maksudjon Saidov. The case involves allegations of torture during detention.

Пайвандҳои дастрасӣ Ҷаҳиш ба мояи аслӣ Ҷаҳиш ба феҳристи аслӣ Ҷаҳиш ба ҷустор Тор нусхагирӣ шуд ГӮШАҲО СИЁСАТ ИҚТИСОД ҶОМЕА ҚАЗИЯИ "КРОКУС" ОСИЁИ МАРКАЗӢ ФАРҲАНГ МЕҲМОНИ ОЗОДӢ ВАРЗИШ ГАПИ ОЗОД РӮЗГОРИ МУҲОҶИР САЛОМ, ХОҲАР ТАҲҚИҚОТ ҶАНГ ДАР УКРАИНА НАЗАРИ МАРДУМ БЛОГИСТОН ОЗОДӢ ОНЛАЙН ЧАНДРАСОНАӢ ВИДЕО НИГОРИСТОН ГУЗОРИШҲОИ РАДИОӢ РӮЙХАТҲО КИТОБҲОИ ОЗОДӢ Русский ПАЙГИРӢ КУНЕД Ҳамаи сомонаҳои RFE/RL РУС TV Ҷустуҷӯ ҶОМEА "Ду кас афв шуд." Ҳукми чанд милисаи муттаҳам ба марги як сокини Кӯлоб Мирзонабии Холиқзод Июл 28, 2026 Ба дигарон фиристед Мо дар Google Додгоҳи олии Тоҷикистон ҳукми панҷ милисаи гумонзад ба марги сокини 36-солаи Кӯлоб Мақсудҷон Саидовро эълон кардааст. Дар ҳоле ки мақомот хабар намедиҳанд, як манбаи наздик ба ниҳодҳои интизомӣ ба Радиои Озодӣ гуфт, “се нафар аз 5 то 13 сол зиндонӣ шуда, дуи дигар бар асоси қонуни афв аз ҷавобгарӣ озод гаштанд.” Ҳамаи онҳо кормандони Шуъбаи умури дохилии ноҳияи Сино ҳастанд. Ҳукм рӯзи 24-уми июл эълон шудааст. Манбаи Радиои Озодӣ бар асоси иттилое, ки дар даст дорад, номи ду милисаи маҳкумшуда ва ҷузъиёти ҳукми онҳоро дар ихтиёри мо гузошт. Ӯ рӯзи 28-уми июл гуфт: "Сино Обидзода, маъмури Шуъбаи корҳои дохилии ноҳияи Синои пойтахт, бо гуноҳи қасдан расондани зарари вазнин ба саломатӣ сездаҳ сол аз озодӣ маҳрум шуд. Пештар додситон барои ӯ ҳабдаҳ сол зиндон хоста буд." Мусоҳиби мо бо шарти фош нашудани номаш афзуд, додситон нисбат ба Рустам Ёдгорзода, корманди дигари Шуъбаи корҳои дохилии ноҳияи Сино, 5 сол зиндон талаб карда буд, “аммо додрас ӯро бар асоси қонуни афв аз ҷавобгарӣ озод кард”. “Ду маъмури дигари милиса аз ҳамин ноҳия панҷсолӣ аз озодӣ маҳрум шуда, як нафари дигар бар асоси қонуни афв ва бо пардохти ҷарима озод шуд,” – илова кард манбаи огоҳи Радиои Озодӣ. Кӯшиши мо барои маълум кардани ному насаби ин се нафар ва ҷузъиёти ҳукми онҳо то ин дам натиҷа надод. Ин гурӯҳ аз кормандони умури дохилии ноҳияи Синои шаҳри Душанбе дар пайванд ба марги Мақсудҷон Саидов аз Кӯлоб боздошт ва муҳокима шуданд. Дар ин қазия нафари шашум низ ҳаст, ки то кунун дар куҷо буданаш дақиқ нест. ИНЧУНИН, БИХОНЕД: "Латукӯб... ва шиканҷа бо нерӯи барқ." Беш аз бист шикоят аз ВКД ва як раиси ноҳия Мақсудҷон Саидов рӯзи 8-уми январи соли 2026 бо гумони паҳн ва фурӯши "кристал", як навъ маводи мухаддир, дастгир, аммо дертар дар шароити мармуз даргузашт. Мақомот аз наздиконаш хостаанд, ки пайкари ӯро зуд дафн кунанд ва ҳамин маврид шубҳаро дар бораи табиӣ будани марги ӯ бештар кардааст. Пайвандони Мақсудҷон Саидов қаблан аз суҳбат бо Радиои Озодӣ худдорӣ карданд. Ҳоло вокуниши онҳо ба ҳукм низ рӯшан нест. Чанде аз дӯстони Мақсудҷон дар суҳбати пешинаи телефонӣ гуфта буданд, ки дар баданаш “осори шиканҷа дида мешуд” ва гуё “ангуштони пою дасташ сӯхта буданд”. Истифода аз шиканҷа барои гирифтани “эътирофи гуноҳ” дар Тоҷикистон яке аз масъалаҳои ҷиддӣ дар мақомоти интизомӣ дониста мешавад. Кумитаи маҳви шиканҷа дар Созмони Милал аввали моҳи майи 2026 аз "гузоришҳои пайваста дар бораи бадрафторӣ ва шиканҷа, бахусус аз тарафи афсарони милиса ва афсарони идораҳои амниятӣ дар боздоштгоҳ ва зимни бозпурсиҳо" изҳори нигаронӣ кард. Эътилофи зидди шиканҷа дар Тоҷикистон рӯзи 22-юми июли имсол гуфт, дар соли 2025 дар бораи шиканҷаву бадрафторӣ бо боздоштшудаҳо 21 шикоят гирифт, ки бист мавриди он ба ниҳодҳои вобастаи Вазорати корҳои дохилӣ пайванд дорад. Ба дигарон фиристед Мо дар шабакаҳои иҷтимоӣ Чоп Мирзонабии Холиқзод Гӯшаҳо Тоҷикистон Минтақаҳо Ҷомeа Матолиби навтарин Вобаста Шаш милиса дар марги Мақсудҷон Саидов гумонзад шудаанд Талаби то 17 сол зиндон ба панҷ милисаи муттаҳам ба шиканҷа Муҳокимаи 6 милисаи гумонзад ба марги як боздоштшуда дар Душанбе Оғози мурофиаи 6 милисаи гумонзад дар марги Мақсудҷон Саидов Шаш милиса дар марги Мақсудҷон Саидов гумонзад шудаанд ​ ПАЙГИРӢ КУНЕД МАЪЛУМОТ Дар бораи Озодӣ Сомонаи Радиои Озодӣ бастааст? Чӣ гуна шарҳ нависем? Тамос бо мо ЗАМИМАҲО Замимаи Озодӣ дар Андроидҳо Замимаи Озодӣ дар iOS Дар Смарт ТВ Радиои Аврупои Озод / Радиои Озодӣ © 2026 RFE/RL. Inc. Ҳамаи ҳуқуқ маҳфуз аст. SM