Chechen activist Mansur Movlaev, who sought asylum in Kazakhstan, had his appeal for refugee status rejected. He faces extradition to Russia, where he faces extremism charges related to his criticism of authorities in Grozny.

Accessibility links Skip to main content Skip to main Navigation Skip to Search Сілтеме көшірілді ЖАҢАЛЫҚТАР САЯСАТ AZATTYQTV ҚАҢТАР ОҚИҒАСЫ АДАМ ҚҰҚЫҚТАРЫ ӘЛЕУМЕТ ӘЛЕМ АРНАЙЫ ЖОБАЛАР Русский ЖАЗЫЛЫҢЫЗ Басқа тілдерде РУС LIVE İздеу ЖАҢАЛЫҚТАР Апелляция ресейлік белсенділер Мовлаев пен Емельянованың пана сұрау бойынша шағымын қанағаттандырмады 27 мамыр 2026 жыл, 12:43 Бөлісу VPN-сіз оқу Мансур Мовлаев Қазақстаннан босқын мәртебесін сұраған шешенстандық белсенді Мансур Мовлаев пен ресейлік белсенді Юлия Емельянованың аппеляциялық шағымы қанағаттандырылмады. Бұл туралы заңгер Мұрат Адам хабарлады. Бұған дейін сот екі белсендіге Қазақстанда босқын мәртебесін бермеген. Осыдан соң олардың адвокаттары апелляциялық шағым түсірген еді. "Біздегі соттардың қалай жұмыс істейтіні мені таң қалдырмайды, себебі заң тұрғысынан түсінбестік тудыратын шешімдер жеткілікті. Бірақ бұл істе Мансур Мовлаев пен Юлия Емельянованың құқығын қорғаудан бас тартудан бөлек, Қазақстан өзі ратификациялаған халықаралық құқық нормалары да елеусіз қалды. БҰҰ-ның адам құқықтары бойынша арнайы өкілінің Мансур Мовлаев пен Юлия Емельяноваға қатысты өтінішіне де назар аудармады" деп жазды Мұрат Адам желідегі парақшасында. Шешенстан билігін ашық сынап жүрген Мовлаев Ресейге экстрадицияланатын болса, ол жақта өзін азаптап, өлтіріп тастауы мүмкін екенін мәлімдеген. Сондықтан ол Қазақстаннан босқын мәртебесін сұраған. Ал Ресей оған "экстремизм" айыбымен іздеу жариялаған. Қазақстан белсендіні Ресейдің сұрауы бойынша қамауға алған еді. Адвокаты мен жақтастары Ресей билігі Мовлаевты саяси себептермен қудалап жатыр деп санайды. Ақпаратқа қарағанда, 2020 жылы ол Ресей Қылмыстық кодексінің 228-бабы ("Есірткі құралдарын заңсыз сатып алу, сақтау, тасымалдау, дайындау немесе өңдеу") бойынша сотталған. Мовлаевтың жақтастары бұл іс Грозныйдағы билікті сынағаны үшін қудаланды дейді. 2026 жылы Қазақстан Жоғарғы соты Мовлаевтың босқын мәртебесін сұраған өтініші толық қаралып біткенше оны экстрадициялауды тоқтатқан еді. ОҚИ ОТЫРЫҢЫЗ Алматы соты бір жылға жуық уақыттан бері абақтыда отырған Мовлаевты қамауда ұстау мерзімін тағы созды Юлия Емельянова –Emigration for Action және Just Help қозғалысының белсендісі. Ол 2025 жылы 31 тамызда басқа елге транзитпен кетіп бара жатқанда Алматы әуежайында ұсталған. Ресей Емельяноваға "таксистің телефонын ұрлады" деген айыппен іздеу жариялаған. Қазақстан бас прокуратурасы Ресейдің Емельянованы экстрадициялау туралы өтінішін қанағаттандырған еді. Белсендіге қаулыны 29 қаңтарда берген. Осыдан соң Емельянованың қорғаушылары Жоғарғы сотқа шағымданған. Ақпанның аяғында Жоғарғы сот Емельянованың босқын мәртебесін сұраған өтініші қаралып жатқанда оны экстрадициялауды тоқтатқан. ОҚИ ОТЫРЫҢЫЗ Қазақстан соты Навальный штабының бұрынғы қызметкеріне тағы да пана беруден бас тартты Бөлісу VPN-сіз оқу Follow us Принтерден шығару ​ ЖАЗЫЛЫҢЫЗ ЖАЛПЫ МӘЛІМЕТ Хабарласыңыз Біз туралы Сайтымыз бұғатталса не істеу керек? Азаттық қосымшалары Қолдану шарттары Форум ережелері Жазылу НЕГІЗГІ БӨЛІМДЕР Жаңалықтар Қазақстан Қазақтар - әлемде Орталық Азия Ресей Қытай Әлем Азат Еуропа / Азаттық радиосы © 2026, Inc. | Барлық құқықтары қорғалған SM