Former GKNB Chairman Kamchybek Tashiev is on trial in the '75ers case' regarding an alleged attempt to seize power. During the hearing, a witness accused him of using psychological pressure and intimidation.

Линктер Мазмунга өтүңүз Навигацияга өтүңүз Издөөгө салыңыз Шилтеме көчүрүлдү ЖАҢЫЛЫКТАР КЫРГЫЗСТАН КЫРГЫЗСТАН САЯСАТ ЭКОНОМИКА МАДАНИЯТ ДҮЙНӨ ДҮЙНӨ БОРБОР АЗИЯ УКРАИНА АТАЙЫН ИЛИКТӨӨ ТВ ПРОГРАММАЛАР БҮГҮН АЗАТТЫКТА ЭКСПЕРТТЕР ТАЛДАЙТ БИЗ ЖАНА ДҮЙНӨ ДАНИСТЕ ЭЖЕ-СИҢДИЛЕР АЗАТТЫК+ ЫҢГАЙСЫЗ СУРООЛОР ПОДКАСТ ӨЗГӨЧӨ ПИКИР Русский ОНЛАЙН ШЕРИНЕ ЭЕ/АРнун бардык сайттары Издөө 16-Июнь, 2026-жыл, шейшемби, Бишкек убактысы 03:56 ЖАҢЫЛЫКТАР Сот отурумунда Камчыбек Ташиев менен Элвира Сурабалдиева кайым айтышты 15-Июнь, 2026 Бөлүшүңүз Пикирлерди көрүңүз Бишкек. 15-июнь, 2026-жыл. “75чилердин каты” деп айтылган иш боюнча 15-июндагы соттук отурумда Жогорку Кеңештин депутаты Элвира Сурабалдиева күбө катары көрсөтмө берди. Процесстин жүрүшүндө аны менен айыпталуучулардын бири, Улуттук коопсуздук мамлекеттик комитетинин мурдагы төрагасы Камчыбек Ташиев кайым айтышты. Анын алдында жактоочулар Сурабалдиеванын YouTube каналга курган маегинде “Ташиев бийликти күч менен басып алууга аракет кылган” дегенине токтолуп, мындай сөздү “ишенимдүү айтканынын себебин” сурады. Сурабалдиева жактоочуларга удаа суроо берген Ташиевге жооп берип жатып парламентте кызматтык иликтөө жүргөнүн, анын жыйынтыгы менен өзү бүтүм чыгарганын айтты. Ташиев кылмыш иши боюнча материалдардын арасында парламенттеги ички териштирүү боюнча маалымат жок экенин белгилеп, соттон аны алдырууну сурады. - Факты деген адам өзү конкреттүү көргөн нерсе болот. Мен сиздин атаңызды кантип өлтүрүп кетишкенин өзүм көргөм. Ошондо мен биринчи болуп баргам, ага жардам берүүгө аракет кылгам. - Бул туура эмес. - Ушул факты. Азыр сиз өзүңүздүн саясий пикирлериңизди айтып жатасыз. - Бул жерде атамдын эмне тиешеси бар? Бул психологиялык басым экенин билесизби? Мени эсиме келтирүү сиздин ишиңиз эмес. - Өзүңүздүн саясий ойлоруңузду мага айтыштын кереги жок. - А сиз мени иш бөлмөдөн канча ирет коркутуп, канча жолу камоо менен коркуттуңуз. Муну да баары билет. Судья кайым айтышты токтотуп, иштин негизи боюнча сүйлөшүүгө чакырды. Апрель айында депутат Элвира Сурабалдиева казакстандык блогерге маек куруп, Камчыбек Ташиев УКМКнын төрагалыгынан кетишинин себеби мамлекеттик төңкөрүш аракетине байланыштуу болушу мүмкүн деген пикирин билдирген. 15-июнда “75чилердин каты” боюнча соттук отурум ачык өтүүдө. Ички иштер министрлиги (ИИМ) ишке “жашыруун” деген гриф койгондуктан сот отурумдары жабык өтүп келаткан. 11-июнда сот айыпталуучулардын жана жактоочулардын өтүнүчүн канааттандырып, процессти ачык өткөрүүнү чечкен. Иш боюнча күбө катары сурак берүү үчүн буга чейин Жогорку Кеңештин экс-депутаты Абдимуктар Маматов, мурдагы премьер-министр Кубатбек Боронов, Кыргызстандын Өзбекстандагы мурдагы элчиси Ибрагим Жунусов, Жогорку Кеңештин бир нече чакырылышынын депутаты Иса Өмүркулов жана коомдук ишмер Досбол Нур уулу көрсөтмө берген. Президенттик шайлоону быйыл өткөрүү боюнча кайрылууга кол койгондордун арасында алардын да аты-жөнү бар. Адвокат Акынбек Ногоевдин сөзүнө караганда, бул ишке байланыштуу Улуттук коопсуздук боюнча мамлекеттик комитеттин (УКМК) мурдагы төрагасы Камчыбек Ташиевге, Жогорку Кеңештин экс-спикери Нурланбек Тургунбек уулуна жана Жогорку Кеңештин мурдагы депутаты Курманкул Зулушевге Кылмыш-жаза кодексинин “Кызмат абалын кыянаттык менен пайдалануу” жана “Бийликти күч менен басып алуу” беренелери менен кине коюлган. Мурдагы үч чиновник эч жакка чыкпоо тилкаты менен эркиндикте. Ал эми президенттик шайлоону быйыл өткөрүү боюнча катта аты аталган коомдук ишмер Бекболот Талгарбековго, Кыргызстандын Өзбекстандагы мурдагы элчиси Эмилбек Узакбаевге, Жогорку Кеңештин экс-депутаты Курманбек Дыйканбаевге, мурдагы вице-премьер, экс-депутат Аалы Карашевге жана ички иштер министринин мурдагы орун басары Курсан Асановго “Кызмат абалын кыянаттык менен пайдалануу” беренеси менен айып тагылды. Алар камакта жатат. 9-февралда мурдагы премьер-министрлер, парламенттин экс-депутаттары, саясатчылар жана коомдук ишмерлер болуп 75 адамдан турган топ президент Садыр Жапаровго жана Жогорку Кеңештин ошол кездеги төрагасы Нурланбек Тургунбек уулуна кайрылып, жакынкы убакта президенттик шайлоо өткөрүүгө чакырган. Алардын айрымдары кийин кайрылуунун мазмунун окубай туруп эле ага кошулууга макул болгонун айтып чыгышкан. 10-февралда Садыр Жапаров Камчыбек Ташиевди Министрлер кабинетинин төрагасынын орун басары - Улуттук коопсуздук мамлекеттик комитетинин төрагасы кызматынан бошоткон. Андан кийинки маектеринде Жогорку Кеңеште депутаттар “президент жана атайын кызматтын кишиси” болуп бөлүнүү башталганын, кийин андай аракет парламенттен сыртка чыгып кеткенин айтып, 75 адамдын кайрылуусун мисал кылган. Бул окуялардан кийин Нурланбек Тургунбек уулу алгач төрагалык кызматтан кетип, андан соң депутаттык мандатын да тапшырган. Фейсбуктагы баракчасына пост жазып, 75 кишинин кайрылуусуна тиешеси жок экенин билдирген. Садыр Жапаров соңку маегинде 75 адамдын кайрылуусуна Камчыбек Ташиевдин тиешеси бар-жогун тергөө анан сот аныктап, баа берерин айткан. Мурдагы башкы чекист болсо күнөөсү жок экенин, соттон акталып чыгарын билдирген. “75чилердин каты” Жогорку Кеңешке түшкөн учурда Курманкул Зулушев парламенттин Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин регламенти боюнча комитетинин төрагасы болуп турган. ДАГЫ КАРАҢЫЗ "75чилердин каты" боюнча сот ачык өтө баштады. Ташиев комментарий берген жок ЖК аппаратынын өкүлү Исанова "75чилердин каты" кантип келгенин айтып берди Акыйкатчы эрте никеге тартылган өспүрүмдөр азайбай жатканын эскертти Маңзат ташыган топтун лидери кармалды Бөлүшүңүз Пикирлерди көрүңүз Follow us Принтер Куржундар Жаңылыктар Күндүн жаңылыгы ​ ОНЛАЙН ШЕРИНЕ БИЗ ЖӨНҮНДӨ Блоктолгон сайтты ачуу Биз жөнүндө Эрежелер Азаттык - WhatsApp Азаттыктын тиркемеси Вакансиялар "Азаттык" менен байланыш "АЗАТТЫКТЫН" САНДЫГЫ Тилим - дилим Азаттык үналгысы © 2026 RFE/RL, Inc. Бардык укуктар корголгон. SM